Манай улсад түр хугацаагаар ирсэн БНСУ-ын иргэд архи хэтрүүлэн хэрэглэж, нэгнийхээ амийг хөнөөсөн хэрэг гарсан байна.
Налайх дүүргийн VI хороо Тэрэлж дэх "Ар Гурван сайхан" амралтын газарт уг хэрэг гарчээ. Энэ сарын 22-нд БНСУ-ын иргэн 47 настай Ён Гю Бун, 55 настай Жон Ён Дүон нар тус амралтын газраар үйлчлүүлж байхдаа архи хэтрүүлэн хэрэглэж маргалдсан байна.
Маргалдсаны улмаас Солонгосын иргэн Жон Ён Дүон нь архины шилээр Ён Гю Буны толгойд цохиж гэмтэл учруулж, хүнд гэмтээсэн аж. Ён Гю Буныг Гэмтэл согог судлалын үндэсний төвд хүргэж, эрчимт эмчилгээнд хамруулсан ч амийг нь аварч чадаагүй аж. Уг хэргийг Улсын Мөрдөн байцаах газарт шалгаж байна.